FORECAST FOR 2017

Important dates for your diary.

Event:  Saturday, 27 May 17  –  DSS UK Annual Get-together 2017

Venue:  Feltham Community College, Feltham, Middlesex, TW13 7EF.

Coord meeting   –  April (date – TBC)

(Maximum members are expected to attend.) Thank you.

Info/Reminder:

• DHANKUTA SEWA SAMAJ (DSS – UK) Annual General Meeting (AGM) 2017 was held at Feltham Community College, London on 7th Jan 2017
• Dear all DSS UK members – Please renew your membership if you haven’t done so in the last Annual Get-together 2016. Thank you.

गत १० जनवरी २०१५ का दिन अल्डरसटको ओजन रेष्टुरेष्टमा सम्पन्न धनकुटा सेवासमाज युकेको सम्पन्न बार्षिक साधारण सभाले रिटायर्ड क्याप्टेन अमर रानामगरलाई अध्यक्षमा चयन गरेको छ ।

सभाले सन् २००७ देखि नियमिति सचालन हुदै आएको धनकुटा जिल्लावासी समाज तथा धनकुटा प्रतिभा पुरस्कार कोषलाई पनि धनकुटा सेवासमाज अन्तर्गत समेट्ने सहमति भएको छ । सैनिक सेवामा सेवारत धनकुटेलीहरुको मुख्य भूमिका रहेको साथै विश्वभरका धनकुटेलीहरुको समेत योगदान रहेको प्रतिभा कोषले विगत ८ बर्ष देखि निरन्तर जिल्लावासीहरुलाई समेट्दै आएको छ । सन् २००९ मा सेवारत धनकुटेली जमात युकेबाट ब्रुनाई सरेपछि ब्रुनाईमै जिल्लावासीहरु बीच कार्यक्रम गर्दै आईरहेका थिए । सेवारत धनकुटेली जमात ब्रुनाई सरेपछि युकेमा पनि आवश्यकता महशुस गरि सन् २०१० मा धनकुटा सेवासमाज निर्माण गरिएको थियो । सेवारत धनकुटेली जमात ब्रुनाईबाट गतबर्ष युके फर्किए संगै एकै समितिमा एकताबद्ध भएका हुन ।

जिल्लावासी समाजले प्रतिभा कोषको लागि प्रतिब्यक्ति ७५ पाउण्ड उठाएर ३ लाख रुपैया संकलन गरि अक्षयकोष राखि सकेको छ भने सेवा समाजले प्रतिब्यक्ति २० पाउण्ड तिरेर सदस्यता लिने ब्यवस्था गरेको छ । ब्रुनाईबाट फर्किएका जिल्लावासी समाजका सदस्यलाई तोकिएको सदस्यता शुल्क तिरी सदस्यता लिन आग्रह गरेको छ । त्यस्तैगरि जिल्लावासीको हैसियतले छुटेका सबैलाई ७५ पाउण्ड तिरेर प्रतिभा कोषको लागि योगदान गर्न भनिएको छ ।
सभाले धनकुटा जिल्लाको लागि एम्बुलेन्स प्रोजेक्ट र प्रतिभा पुरस्कार कोषलाई ७ लाख बनाउने योजना अघि बढाएको छ । युकेमा रहेका सम्पूर्ण धनकुटा जिल्लावासीहरुको बार्षिक भेटघाट आगामी ३० अगष्टको दिन अल्डरसटमा गर्ने निर्णय गरेको छ ।
सभाले उपाध्यक्षद्धयमा पूर्ण फालेछ्वा लिम्बु, जयबहादुर तामाङ, सहसचिव चित्र लिम्बु, कोषाध्यक्षमा तेज पुलामी, सहकोषाध्यक्षमा डम्बर खजुम बाहेक बाँकी समितिका पुरानै पदाधिकारी तथा सदस्यहरुलाई यथावत गरिएको छ । सल्लाहकारहरुमा चाहि निवर्तमान अध्यक्ष धन रोगु, रिटायर्ड क्याप्टेन वेनिन्द्र लिम्बु, रिटायर्ड क्याप्टेन हरी लिम्बु र
धनबहादुर तिगेला चयन हुनु भएको छ ।

सभाको सभाध्यक्ष निवर्तमान अध्यक्ष धन रोगुले गर्नुभएको थियो भने सचालन सचिव नेत्र खजुमले गर्नुभएको थियो । अघिल्लो कार्यसमितिको कार्यकाल २ बर्ष रहेको थियो ।-